Klasasamstarf héraðsskjalasafna

Héraðsskjalasöfnunum er skipt í þrjá klasa, þ.e. Suður- og suðvesturklasa, Vestur- og norðvesturklasa og Norðaustur- og austurklasa. Tvö söfn innan hvers klasa skuldbinda sig til að vera leiðandi í samstarfi hvers klasa og veita öðrum héraðsskjalasöfnum leiðbeiningar og ráðgjöf um móttöku og skil á rafrænum gagnasöfnum eftir því sem við á.

Hlutverk hvers klasa er fyrst og fremst að miðla upplýsingum, einfalda og stytta boðleiðir, samræma verklag og nálgun og deila út verkefnum í samræmi við áætlanir MHR og stýrihóps MHR. Stýrihópurinn leiðir samstarfið en tekur ekki bindandi ákvarðanir fyrir hönd einstakra safna og/eða sveitarfélaga.