Lög og reglur

Héraðsskjalasöfnin starfa eftir lögum nr. 77/2014 um opinber skjalasöfn og reglugerð um héraðsskjalasöfn nr. 283/1994. Fjöldi annarra laga og reglna tengjast starfsemi safnanna, móttöku, vörslu og miðlun rafrænna gagnasafna afhendingarskyldra aðila á sveitarstjórnarstiginu.

Reglurnar kveða á um með hvaða hætti afhendingarskyldir aðilar, sem falla undir stjórnsýslu ríkis og sveitarfélaga skuli haga skjalavörslu og skjalastjórn, hvernig frágangi og afhendingu á skjala- og gagnasöfnum til opinberra skjalasafna skuli háttað og um varðveislu og förgun skjala. Sveitarfélög og stofnanir þeirra skulu haga skjalahaldi og skjalavörslu með þeim hætti sem segir í þessum reglum.